foti

logobst

logobfb

iber uns


Aafang
Gescht-Buech
iber uns
Kontaggt
Lingg
Bängg 2018
Bängg 2017
Bängg 2016
Bängg 2015
Bängg 2014
Bängg 2013
Bängg 2012
Bängg 2011
Bängg 2010
Bängg 2009
Bängg 2008
Bängg 2007
Bängg 2006
Bsuecher :
 
Counter free



uff dr Gass

d Bildsteerig 2011 uff der Gass
 

Mir hän 2006 bschlosse e Bangg z grinde: S isch denn zwoor numme e Schnitzelbangg worde, aaber das isch jo - eerlig gsait - hitte der eerewäärter Verain. Zerscht sin mer als
Wildi und ab 2007 als Mitgliid vo de ‚Bängg-fir-Basel’ uff d Gass. Der konsequänti Uffdritt in schwarz und wyss isch unser Maarggezaiche. Das gilt nadyyrligg au fir unsere Uffdritt doo uff em Web.

Der Name Bildsteerig het nit primär mit em Fäärnsee z due, au wenn unser Logo so ebbis vermuete losst. Bildsteerig stoot mee doo drfyyr, dass miir als Schnitzelbangg s gwoonti
Bild wänn steere, wo me sich normaalerwyys vo eppis em macht. Miir zaige s Objäggt, wo
miir uff s Koorn nämme, im e andere Liecht oder stelle s im e andere Kontägscht dar.  Das soll meegligscht humorvolli und niemools zue aarg verletzend bassiere. E bitzeli bisse soll e Schnitzelbangg aaber scho, suunsch wäär das jo wie e Suppe ooni Salz und Pfäffer.

Mir versteen uns als traditionelle Bangg ooni Schniggschnagg, Langväärs und Volggs- muusig Yylaage. Drotzdäm, oder am Änd villicht juscht drumm, hän mer 2009 zue unserem aigene Erstuune der Schnaabelbryys gwunne. Das het uns zwoor eerlig gfrait und miir sin au e bitz stolz druff, aber der Graadmässer fir d Gwalideet vo de Bängg isch und blibbt fir uns dr Abblaus vo eych, nämmligg vom Basler Bublikum.

Mir drätte amme in folgende Lokal uff:  
Atlantis, Europe Hotel, Fauteuil, Tabourettli, Kaisersaal, Häbse-Theater, Hotel Basel, Kohlmanns, Kunschthalle, Löwenzorn, Rhywyera, Safran Zunft, Volkshuus und sälb- verständligg am Zischdig in vyyle Baize und Gliggekäller, woo uns gfalle.

Mir hoffe, mir seen uns an dr näggschte Fasnacht wiider.