foti

logobst

logobfb

Bängg 2013



Aafang
Gescht-Buech
iber uns
Kontaggt
Lingg
Bängg 2016
Bängg 2015
Bängg 2014
Bängg 2013
Bängg 2012
Bängg 2011
Bängg 2010
Bängg 2009
Bängg 2008
Bängg 2007
Bängg 2006
Bsuecher :
 
Counter free

wooghofIm Wooghof häns vyyl inveschtiert ,
d Wänd verstärggt und d Schlesser saniert
und, dass es au joo kai Ussbruch mee git, 
griegt jeede bim Yydritt e Huusschlissel mit.
baschiOb der Baschi in d Regierig basst,
wird speeter sicher zämmegfasst.
Im Momänt waisch numme, dass äär guet
In e Aaierbächer basse duet
bundeshuusSträbsch im Bundeshuus e Boschte n aa,
denn muesch kai heecheri Bildig haa.
Und sotte sii Ständeroot wärde welle,
denn mien si nit emool kenne zelle.
kateWenns z Ängland dää blaublietig Noowuggs git,
empfiil y ganz dringend e Kaiserschnitt.
Glyycht s Buschi am Opa, kennt sich daas loone,
sunsch gits wägg de n Oore no Komplikatione.
kateY haa geschter im Käller, ganz z hinderscht unde,
e verroschteti Dampfmaschiine gfunde. 
Hän sii au no so Schrott, denn dien si dää spände;
mee kaa alles fiir der Bau vom e Gripen verwände.
caponeE Mafia Boss suecht Personaal.
Numme findet äär niemerts, s isch fataal.
Ächti Halungge, das muess me gsee,
verdiene bi de Bangge mee.
spinnerE Spinner stiirzt sich uss em All,
uff d Äärde zue, mit Iiberschall.
S wäär fascht e Rekord, nuur noo vyyl schnäller,
saust s Nyywoo vo der BAZ in Chäller.
depardjewDer Depardjeu haisst jetz Depardjew
und schlyymt sich yy bim Kreml Chef.
Äär wird deert woorschyynlig noo vyyl erreiche,
mit suffe und in d Fläsche saiche.
 cancelaraDer Cancelara froggt sich immer noo,
wurum hets mi au uss der Kurve gnoo.
S het kai Wärt, dass äär draa umme studiert,
amm 11er Dramm isch s gyych baasiert.
messiDer Messi isch wiirgglig legendäär:
Kain schiesst esoo vyyl Gool wie n äär.
I däm Metier ischs au am Steinbrück wool:
Äär schiesst am maischte n Aigegool.
murerDer Muurer Ueli verzellt syner Frau,
das WEF isch toll, näggscht Joor kunsch au.
I haa im Hotel als numme der Lift miesse nää
und scho hän mer d Lyt e Trinkgäld gää.
vasellaDer Vasella het schyyns, so wiird jetzt brichtet,
uff syy Millionegschängg beschaide verzichtet.
Jetz mach y mer Gedangge, ob dää Maa,
vo syynere Ränte no lääbe kaa.
schiiE Schwyzer Abfaarer, so haan y vernoo,
isch in Kitzbiel z Fuess am Zyyl aakoo.
Do sait der Drainer, muesch nit druurig syy,
de bisch schnäller gsii, als mit de Schyy.
affIm Zolli vo Ziiri isch en Aff verschwunde.
Me het schyyns das Dier bis hit nit gfunde.
I mach mer folgende Ryym do druff:
in Ziiri fallt e n Aff nit uff.
lasagnaI haa mit Lasagna gaar nit am Huet
myy Frau hingääge, die findet si guet.
Bi iire hets allderdings doo derzue gfiert,
dass si amme bim Jogge galoppiert.


foto1


video

Kligg uff d Kamera
firs Video vom 2013