foti

logobst

logobfb

Bängg 2007


Aafang
Gescht-Buech
iber uns
Kontaggt
Lingg
Bängg 2016
Bängg 2015
Bängg 2014
Bängg 2013
Bängg 2012
Bängg 2011
Bängg 2010
Bängg 2009
Bängg 2008
Bängg 2007
Bängg 2006
Bsuecher :
 
Counter free


2007bild1 Am e Fäärnsee-Oobe mit SRG
haa n i stundelang numme e Bildsteerig gsee.
I main derzue, s isch wirgglig woor,
di beschti Sändig vo däm Joor.
2007bild2Zem Model bii n i zwoor nit geboore.
I haa drotzdäm 15 Kilo verloore,
syt my Frau, es bringt mi scho bitz in Wuet,
statt koche SUDOKU spiile duet.
2007bild3Der Muurer Ueli kennt jeede Dottel,
dangg sym Uffdritt mit em Gaissbogg Zottel.
Das Dier, das merggt au der hinterscht im Land,
schloot der Muurer um Länge, punggto Verstand.
2007bild4Mit vyyle Basler Baize, eerlig g’sait,
het d Hinggis Martina e Gmainsamkeit.
Hän sii d Pointe nooni groche?
Schlächte Service und kai Ass im Koche.
2007bild5Uff däm Solaarboot het sicher niemerts gsteert,
dass der Vosseler deert zur Bsatzig gheert.
S isch doch praggtisch, dass dää mit duet faare:
D Verpfläägig für iin hän s kenne spaare.
bild6Die Äärdbeebe kiirzligg, die sonderbaare,
sin der Basler Regierig in d Gnoche gfaare.
Kai Wunder, dass me deert fuurchtbaar verschreggt,
wenn sich im Roothuus ebbis beweggt.
2007bild7Fir d Euro 08, s isch nit so e Bracht,
het me s Stadion heecher und braiter gmacht.
Die Maassnaam däät i fir d Goal au begriesse:
Me waiss doch, wie d Schwyzer Penalti schiesse.
bild8Loos Christoph, wenn in d Türkey duesch goo,
denn kaasch deert voorluti Sprüch unterloo.
Willsch Yydrugg schinde, wäär doch e Hit,
näämsch Lägggerli vo der Tochter mit.
2007bild9S isch aigentlig fascht e bitz kokett,
dass der -minu erscht kiirzlig ghyroote het.
Luegsch iin so aa, den dänggsch doch glyy,
dää muess längscht im siibte Monet syy.
bild10Vo der Frau haa n i s Buech vom Schrööder bikoo.
Nooch em Lääse gsee n i daas eppe n esoo:
Es kennt am Änd au Voortail haa,
dass der Busch nit schriibe kaa.
2007Bild12Argumänt git s doo derfiir e Huffe:
Am e Fuessballmatch sotsch nit deerfe suffe.
I kaa doo aigenlig nuur derzue saage:
Kenne sii der FCB niechtern verdraage?
2007Bild10De iibrige Schwyzer mechte mir brichte,
uff Basel als Hauptstadt dien mir verzichte;
denn, aigentlig miest me s nit äxtraa erwääne,
Gressewaan isch doch e Ziircher Domäne.


foto1

Do gits laider kai Video