|
Mit
naischter Tächnig, das kaa me saage,
duet s Fäärnsee d EURO perfäggt iiberdraage.
Numme inhaltlig kennt me s no besser gestalte,
däät der Benni Turnherr d Schnuure halte. |
 |
Finf
Millione het der Beering, haan i vernoo,
fiir syy Sammlig vo dyyre Fläsche bikoo.
S gääb noo me so Fläsche, will i doo maine,
nuur die vom EHC will kaine. |
 |
Vo
der Seiby an Baanhof, sait e n ältere Kund,
bruchsch mit der BVB jetzt fasch e Stund
6 Minute däät d Faarzyt aigentlig goo
der Räscht bruuchsch zem s Billet uuseloo |
 |
Myym
Nochber sy Bueb, äär isch e bitz verzooge,
isch wääge schlächtem Betraage zer Schuel usgflooge.
Do maint äär zem Räggter in voorlutem Doon:
do dermit zwinge sie mii in d Opposition. |
 |
Wird
s d Frau Clinton oder doch der Obama?
Oder noo ebber andersch, das wäär kai Drama.
S isch glyych wäär s wird, i dängg mer glyy,
so bleed wie dä Busch kaa niemer syy. |
 |
Myy
Frau, i kaa das nit verstoo,
will partout iir Gsicht nei lifte loo.
I saag nit, denn s kunnt jo ainewääg
e n Yysprooch vo der Dänggmoolpflääg. |
 |
Unter
Top Manager, s isch laider nit glooge,
wird zuenäämend efter klaut und betrooge.
Der Grund isch glaar, jää nundefaane,
dää Loon dä längt doch niene aane. |
|
Haan
i als Bueb e groosse Saich abgloo,
haan i vom Vatter uff e Ranze bikoo.
Däät d Wirtschaft au dääwääg funggtioniere,
jä, was miest denn mit em Oschpel bassiere. |
 |
Mit
ere Sondermargge, myyni Dame und Heere,
maint i, miesst me der Couchepin eere.
Der Grund, das kaa doch jeede fasse:
Syy Laischtig duet juscht uff e Briefmargge basse. |
 |
Der
Huggel und der Streller sin wiider doo.
Und au der Dääge, jee sin miir doo froo.
Jetz verwach i als z Nacht, uff em Häärz son e Drugg;
scho wiider dää Alpdraum, der ZUBI kääm zrugg. |
 |
Syyt
60 Joor, äär findet s immer noo easy,
schlooft der Prinz Philip scho nääbe syym Lyysi.
Nur mängsmool do draimt er im e schwache Momänt:
Oo wäär i in Franggriich Presidänt. |
