|
Will d Frau amme eppis vo
mer haa,
denn luegt si mii ganz verfiererisch aa.
Wenn si dääwääg straalt, kaa mi fascht nit rette;
i nimm denn amme e Jood Tablette.
|
|
Mit em Shaqiri isch Inter
fascht iiberem Bäärg.
Si zaale drumm vyyl fiir dää Superzwäärg.
Dämm Glaine hilft au der Blatzwaart konkreet
mit em Schnyyde vom Raase, dass me iin seet.
|
 |
Der FIFA-Blatter het verfiegt,
bi uns het niemerts Schmiergäld griegt.
Was me doo als Bebbi saage kaa:
Verzell du das am Fäärimaa. |
 |
S ney iPhone 6, es isch scho gsteert,
duet sich verbiege, hän mir gheert.
Der Gerri Müller maint, das iPhone wott i,
do griegsch Fuudi und Pfyffli zämme uff d Foti.
|
 |
Griegt e Leschbe Baar vom Pfaarer e Sääge,
isch der Bischof z Chur doo schwäär dergääge.
Mee Verständnis het d Kirche, s isch pikant,
bim Verhältnis Pfaarer-Minischtrant. |
|
Der Depardieu sufft, s
kaa fascht nit syy,
schyyns dääglig 14 Fläsche Wyy.
Hesch allewyyl dääwääg ain im Gool,
denn fielsch di au bim Putin wool.
|
|
Moodisch gsee, kaan i
eich saage,
muesch im Frielig Mint und Roosa draage.
Als wytere Trend verroot i doo:
Politisch gsee, isch Bruun im koo.
|
|
Mer duet das wirgglig
eschtimiere,
autifrei dur d Stadt flaniere.
Me gniesst das bis am Fimfi zoobe,
drnoo gosch go boschte bi de Schwoobe.
|
|
Isch die Wurscht e Frau oder doch e Maa?
I muess do druff kai Antwort haa.
Es froggt jo au niemerts, do mach i Wett,
weeles Gschlächt e Frikadelle het.
|
|
Mit em 8er faarsch ney
uff Wyyl am Rhyy;
noo Saint Louis solls denn der 3er syy.
Jeede Voorort soll syy Drämmli haa.
Geduld, au Ziiri kunnt no draa.
|
|
I haa letschti in
Gedangge versungge
am Brunne e Schlugg Wasser drungge.
Sythäär dringg i amme zwai oder drei,
s isch nämmlig vegan und lactosefrei.
|
|
Fiir d Wärbig fiir Kääs us em Emmedaal
basst d Hunziker Michelle nit optimaal.
D Figuur und s Lächle sin zwoor e Hit,
nur an Emmedaaler dängsch doo nit. |
|
Hoggsch uff em Hyysli, duets aim gwääle,
wenn deert s entsprächend Bappier duet fääle.
Das Brobleem deerft jetzt Vergangehait syy:
e n Euronoote hesch immer drbyy.
|
