foti

logobst

logobfb

Bängg 2014


Aafang
Gescht-Buech
iber uns
Kontaggt
Lingg
Bängg 2016
Bängg 2015
Bängg 2014
Bängg 2013
Bängg 2012
Bängg 2011
Bängg 2010
Bängg 2009
Bängg 2008
Bängg 2007
Bängg 2006
Bsuecher :
 
Counter free


conti
Der Conti byychtet ganz bedroffe,
s isch eppis schief mit myyne Konti gloffe.
Mir saage "aadie", will äär goot,
fir "gäll blyb suuber" isch s doo zspoot.
gcfcz
GC und FCZ, s isch scho e Hoon,
die daile sich zämme ai Stadion.
Die dääte doch gscheyter fusioniere
und geege der FCB gmainsam verliere.
herzdame
Die nei Häärzdaame het iiber Nacht
us iim e verliebte Rolli gmacht.
Me sait,  syyni Laischtig syyg sunsch nit enorm,
aber horizontal syyg der Hollande in Form.
autifrei
D Innestadt soll verkeersfrei wäärde.
Das  wird wie s Baradyys uff Äärde.
De flaniersch dur d Stadt und s Häärz das lacht
bis e Velo in di yyne gracht.
pabst
My Frau, die findet dä nei Baapscht so nätt.
Jetzt schliesst s en scho yy ins Nachtgebätt.
Si himmlet en aa, das duet mi fascht gwääle.
Hätte die nit wiider e Schwoob kenne wääle.
olma
Immer, wenn miir amme an d Olma mien,
denn raise miir iiber Hamburg und Wien.
Dä Umwääg, dä loont sich, doo deerf me nit spaare,
dääwääg kaasch grossryymig Ziiri umfaare.
schepfig
D Äärde, d Sunne, d Mensche, d Affe,
haig schyyns Gott in 7 Dääg erschaffe.
So eppis guub z Basel e Revolution;
dängg numme an d Stadtbild Kommission.
ziebelewaie
I haa fiir d Ziibelewaaie d Rächnig bikoo
und doo derbyy schmäärzhaft zur Kenntnis gnoo:
An der Fasnacht meerggsch es wie fascht niene,
dass d Schwyzer wältwyyt am maischte verdiene.
 gripen
Wenn miir Schwyzer joo zem Gripen saage,
het jeede Gäägner Grund zem glaage.
Dää Flieger beschitzt uns denn landeswyt,
aaber numme  wäärend der Byyroozyt.
eerlig
e leerts mit Voordail beraits in der Juugend:
Eerligkait isch e scheeni Tuugend.
Numme griegsch halt dääwääg eventuell
bi der BVB kai Kaaderstell.
box
In Ziiri dien d Freier, heert me saage,
iiber die neie Verrichtigsboxe glaage.
Fir d Freier syyg die Box kai Gwinn,
s hogg allewyyl  e Schugger dinn.
bazkompakt
S git d BAZ jetzt au in verdichteter Form.
I find zwoor d Verdichtig nooni enorm.
Vom Inhalt häär, hätt doch die BAZ
logger uff ere Briefmargge blatz.
royalbaby
Der Änggel vom Charles isch z Ängland geboore.
Miir sin froo, het das Kind kaini Säägeloore
und mer lueges als bsundere Gliggsfall aa,
dass es nit der Camilla glyyche kaa.
merkel
D Frau Merggel isch  in Langlauf Dracht
ganz gwaltig uff iir Fuudi gracht.
Me haig daas sogaar, s blybbt unvergässe,
uff em Seismograph in Basel gmässe.


foto1


video

Kligg uff d Kamera
firs Video vom 2014