 |
Der Baschi froggt sich, was das sott:
Im Hirschi het äär Huusverbot.
I find, es basst doch wunderbaar;
äär isch kai Hirsch, dasch jeedem glaar.
|
 |
Myy Frau druurt schregglig um iire Obama.
Fir sii isch syy Abgang no immer e Draama.
Sii glaggt, der Ney syyg zweeni schlangg
und glyychi am Fluumer im Bääseschrangg.
|
 |
Der
Stadtentwiggler het miesse goo.
Yyvernäämlig, me sait däm esoo.
Bim Morin isch offebaar aageboore,
wäär sich bewegt, dä het verloore.
|
 |
Bim Dischgebätt danggt me firs dääglig Brot
und hoolt soo d Hilf vo Oobe ins Boot.
Bim Putin dien sich, isch doo myy Gedangge,
d Sportler firs dääglig Dooping bedangge.
|
 |
Uff der Silbrige isch e Gugge druff.
Es soll Bebby gää, die sin drum muff.
Mii het die Gugge bis hit nit gsteert,
will me die jo, Gott sai Dangg, nit heert.
|
 |
D Pegoraro isch zur Yysicht koo,
si loot lieber d Finger vom U-Abo.
I hoff si begrifft, jetzt au so schnäll,
nit s U-Abo, sii isch en Usslaufmodäll.
|
 |
I haa SIRI ganz im Verdraue gfroggt,
ob e Trojaner i mym iPhone hoggt.
Kai Angscht, maint SIRI, mer sin elai,
Moskau macht Pause bis am zwai.
|
|
|
Zue myym 70igschte haani i ganz vermässe
mit der Frau im e Noobelspunte gässe.
Bi däm Luxus, fielsch di, hools der Gugger,
wie s Kaader vo de Basler Schugger.
|
 |
S Baaselbiet isch finanziell in Noot.
Drumm stryycht me jetzt der Bildigsroot.
Miir dien daas mit Erstuune vernää.
Hets Bildig z Lieschtel scho n emool gää.
|
 |
Bim Ryyme haa mer geschter z Nacht
Iiber folgendi Froog Gedangge gmacht:
Isch s Zuefall ryymt sich Greesewaan
esoo perfäggt uff Erdogaan?
|
 |
D FIFA wird jetzt reformiert,
het der Infantino garantiert.
Null Korruption, das syyg sy Zyyl;
wäär doo dra glaubt, isch infantyyl.
|
|
Luegt me ins Budget vom Lauber dryy,
soll s Baaselbiet bald uus em Schnyyder syy.
Nai, der Lauber duet doo nit iiberdryybe;
äär loot s Budget vom Mike Shiva schryybe.
|
|
Mängsmool griegsch du, maint my Schatz,
e Lacher fir d Pointe im letschte Satz.
Lache d Lyt vo Aafang aa wie bleed,
denn ischs e Schneider-Ammann Reed.
|
 |
Wott
e Schieler der Leerere d Hand nit gää,
denn sott me daas nit so draagisch nää.
Das isch doch haarmloos, wenn me dänggt,
wo der Trump de Fraue aane längt.
|
