 | Sin sii schlangg, wie so e Giacometti,
denn hän si Gligg, denn sii das wett i,
e soon e schmaal Fiidle mues me haa,
dass me im Tango Drämmli sitze kaa. |
 | Dass
dää Sprinter Staar so seggle kaa,
het mii nit stargg beyydruggt ghaa.
Myy Frau het noo dr schnäller Lauf,
vorussgsetzt, im Stüggi isch Ussverkauf. |
 | Sii,
d Chirurge hän s Gsicht vom Silvio
wirgglig saagehaft guet wiider aane bikoo.
Also aigentlig steert jetz numme no ains:
E Hirni het er immer no kains. |
 | Schwarzi
Zaale schribbt d UBS immer nooni.
Das isch doch schnuurz, s git trotzdäm Booni.
Wäär e Lusbueb dääwääg unverfroore,
bekääm er statt Booni e baar um d Oore. |
 |
Der Gadaffi mecht gäärn d Schwyz zerschloo
und d Stigg in Europa verdaile loo.
Jä, in der Praxis goot das nit so flott:
Kenne sie e Land, wo Ziri wott? |
 | Het
e Giraff Angina, der Pabscht Depressione,
hilft Rookoscht bim Sex, soll me Meerseili kloone.
Sisch glyych weeles Theema, es loot em kai Rue;
dr MALAMA git syy Sänf drzue. |
 | Noo
n em vierte Gold, hän miir vernoo,
het me am Simon Ammann d Schyy wägg gnooo.
Sunsch wäär dää, isch me iiberzooge
mit de Schyy grad au noo haime gflooge. |
 | Wäär
Fuesspilz het, dää het dr Drägg.
Die Grangget griegt me fascht nimm wägg.
Punggto Resischtänz, i saag das immer,
isch nuur dr Leuebärger schlimmer. |
 | Sii,
jetz hän mer s schwarz uff wyss:
Lieschtel isch s Ziel vo dr Tour de Suisse.
I haa nur Angscht, i glaub die isch begrindet,
dass kain vo de Faarer das Lieschtel findet. |
 | Miir
isch aigentlig jeede Mooned rächt.
Drumm gfallt mer dr Hoornig au nit schlächt.
I wäär allerdings scho zimmlig froo,
wenn s in Zuekunft ooni Merz däät goo. |
 | Was
het dr Blocher, han i mi gfroggt,
in
e Land wie Nordkorea gloggt.
Jä
i dängg, es wird em gfalle ha,
dass
me deert nit abgwäält wäärde kaa. |
 | Niemerts waiss,
worum s dr Blinddaarm git.
Isch
dää au duss, denn fäält er nit.
Drnoo
isch dää jo, wie iich das see,
juscht
so neetig wie s Comité. |
 | Isch
friener e Schiff mit dääre Faane koo,
hän dir d Pirate s letschti Gäld abgnoo.
Jä denn däät die Faane jo beschtens basse
als Symbol fir d Schwyzer Granggekasse. |
 | Will aini bim Hirschmann ins Lokal,
längt
doo kai Stutz, äär mechts oral.
Äär
zaiggt, wo aane d Erzieig goot,
wenn
me Friefranzeesisch falsch verstoot. |
