 | I haa letscht Wuche mii Lääsebrille gschlisse.
S isch koomisch, i due si nit vermisse.
I find, dass me ooni fascht besser faart:
Dääwääg blibbt aim d BAZ erspaart. |
| Fir
der BERLUSCOONI, dä aarmi Maa,
miest me schoo e bitz mee Verständnis haa.
Äär hätt joo ganz gäärn e n elteri welle,
laider kaa n äär halt numme bis 16 zelle. |
 | Fir
Kadolygge git s vom Pabscht in Rom,
e Gebruuchsaalaitig fir Condom.
Was i däm Zämmehang s Intressanti wäär:
Wo nimmt dr Pabscht doo d Praxis häär. |
 | So
ne e Vuvuzela, s duet aim gruuse,
isch schregglig lut, griegsch s Ooresuuse.
I dängg, wenn sii dä Lärme steert,
hän sii no nie e Gugge gheert. |
 | Schwyzer
wääle SVP.
Wäälsch andersch, bisch kai Schwyzer mee.
Diagnoose vom DOGGTER FMH:
Greesewaan fangt dääwääg aa.
D SCHWESCHTER ERIKA maint do lakoonisch,
das Lyyde isch bim BLOCHER groonisch. |
 | Blaa,
blabla, blabla, blabla
und noonemool blaa, blabla, blabla.
Si frooge, wurum i daas gsunge haa?
Jä, s basst so scheen zum MALAMA. |
 | Bringt
s Fäärnsee e Match, kasch sicher syy,
der Gilbert Gress isch immer drbii.
Und allewyyl dängg i, wurum het au dää Maa
mit dääre Frisuur kai Kopfduech aa. |
 | Als
Maa bisch laggiert im Bundesroot,
will deert d Fraue bestimme woo s aanegoot.
Si setze sich duure im Groosse und Ganze.
Sii, i kenn das Brobleem mit myyner Emanze. |
 | Bi
Google Street View luegt me jetz guet,
dass me d Gsichter unkenntlig mache duet.
Numme goot das nit bi jeedere Biire:
Bim Charles kemme immer noo d Oore fire. |
 | Will d Ränte vom e Bundesroot,
nit halbwäggs länggt fir s däägligg Broot,
sin miir froo, dass epper hälfe kaa:
Viele Dangg IMPLENIA. |
 | Fir d
Fuessball WM in drei Joor
schloo n i folgende eerlige Moodus vor:
Uff em Raase schuttet kai ainzige Maa;
s gwinnt wäär am maischte schmiire kaa. |
 | S gitt nyt
scheeners als e Bier vom Fass
und noo n em Wuurschsalat e zimftige Jass.
Wenn s goot, no fuffzig vom Schuufle Buur;
fiir e Rampass isch daas gnue Kulduur. |
 | Der
HAKAN YAKIN, hän miir vernoo,
muess dringend si Gnei saniere loo.
Das Gnei z operiere macht scho Sinn,
bim HAKAN isch deert s Hiirni dinn. |
 | E
Pfaalbauerdoorf, s isch nit erfunde,
het me schiins per Zuefall in Ziiri gfunde.
Das Doorf het speeter der Stadt miesse wyyche.
Nur luschtig, d Bewooner sin no di glyyche. |
 | Das
dr Vasella daas Bild verbiete duet,
find i ökonoomisch gaar nit guet.
Fir d Schwyzer Wirtschaft dääts Noodail haa,
wenn me Bündnerfleisch nimm zaige kaa. |
